വലത് തോളിന്റെ താഴെ ഒരു
മറുകിന്റെ നടുവില് നിന്നാണ്
ഞരമ്പ് ആരംഭിക്കുന്നത്
ഒരു നീല ഞരമ്പ്
വിരലാഴ്ത്തിയാല് രക്തമോടുന്നത്
കാണാം, തവിട്ട് നിറത്തിലെ
മുലഞെട്ടിലേക്കെത്തുമ്പോഴാണ്
കാണാതാവുക.
അമര്ത്തിക്കടിച്ചാല് പല്ലിനാഴത്തില്
നൊടിനേരം മിന്നിമറയും നീലനിറം
ഒരാകാശം
ചുവന്ന രജായിയില് മൂടിക്കിടക്കെ
തുളുമ്പുന്ന നിന്റെ മുലകള്ക്കിടയില്
ഒരാകാശമുണ്ട്, കടലും.
തല കീഴായ് പെയ്തിറങ്ങുന്ന കടല്
കറുത്തിരുണ്ട് പെയ്യും
തിരകളിരമ്പും
കൊള്ളിയാന് മിന്നിത്തെറിക്കും
അവിടെ നീയൊരു
വഴുക്കുള്ള തുള്ളിക്കടല്
സുതാര്യമായ ഭൂപടത്തിലെ
ഏകാന്തതയുടെ കുത്തി വരകള്